Т.Ариунаа: Эдийн засгийн хямралд орлоо гэсэн чинь эсрэгээрээ байгаа юм биш үү...

Дуучин Т.Ариунаагаас шинэ жилд хэрхэн бэлтгэж буйг нь сонирх­лоо.

-Сайн байна уу, Ариунаа эгч ээ. Таниар сонин сайхан юу байна?

-Юмгүй ээ. Эгч нь их завгүй байна. Албан газар, аж ахуйн нэгжийн шинэ жилийн урилгад дарагдаад.

-Тийм их урилгатай байгаа юм уу?

-Харин тийм. Эдийн зас­гийн хямралд орчихоод бай­на гэсэн чинь эсрэгээрээ байгаа юм биш үү. Энэ жил бусад жилүүдийнхээс илүү урилга ихтэй байна. Албан газрууд чинь улам л баяж­чихсан юм биш үү.

-Та шинэ жи­лээр яаж баярлах гэж бай­на даа?

-Урлагийнхан бидэнд чинь өөрсдөө баярлах зав их муу байдаг юм шүү дээ, шинэ жилээр. Оны сүүлчийн өдөр хүртэл арга хэмжээнд уригдсан байгаа.

-Ямар?

-Ардчилсан социалист залуучуудын холбооноос зохион байгуулдаг “Алтан сарнай” арга хэмжээнд орол­­цох юм. Урлагийнхан бид чинь бусдыг баярлуулах гэж явсаар байгаад юун баярлах манатай л шинэ оноо угтдаг хүмүүс шүү дээ.

-Гэхдээ шинэ оноо гэ­рийн­­хэнтэйгээ хамт угтах юм байгаа биз дээ?

-Мэдээж, шинэ жил бол гэр бүлийн баяр байдаг. Тэр утгаараа шинэ оноо ханьтай­гаа, хүүхдүүдтэйгээ, дүү нартайгаа хамт угтахыг маш их хүсч байгаа. “Алтан сар­най” арга хэмжээнд нөхөр­тэйгөө хамт уригд­сан. Тэгэ­хээр дуусангуут нь шууд л гэр рүүгээ цагтай урилдан давхина даа.

-”Алтан сарнай”-д хэд дэх удаагаа оролцож байна?

-Тав, зургаан жил байх аа.

-Та дуу дуулах уу?

-Дуулна аа. Тэнд хүрэл­цэн ирсэн зочдод хүндэтгэл үзүүлээд ая дуугаараа шинэ оны мэнд хүргэнэ гэж бодож байна.

-Та шинэ жилд зо­риул­сан дуу шинээр гаргах уу?

-Үгүй ээ, шинэ жилийн тухай дуу надад байдаг шүү дээ. Надад дуунаас их юм алга. Тэгэхээр одоогоор шинэ жилд зориулж дуу энэ тэр гаргахгүй байх аа.

-”Алтан сарнай” арга хэмжээнд ямар даашинз өмсөхөө сонгосон уу ?

-Үгүй, одоогоор сонгоо­гүй байна. Англи, Ирландаас өөртөө зориулж нэлээд хэ­дэн даашинз авсан. Тэрдаашинзнуудаасаа л нэгийг нь өмсөх болов уу.

-Яг ямар өнгөтэй даа­шинз өмсөх гэж байна?

-Хар юм уу, улбар шаргал өнгөтэй, эсвэл саарал даа­шинз өмсөх болов уу. Бэлэн хувцаснаасаа л өмсөнө.

-Гоёлын зүүлтээ бэлт­гэсэн үү?

-Өөрт байгаа зүүлт­нээсээ л зүүнэ.